जिल्हा परिषद प्रशाला, बोरोळ ने काढली मतदान जनजागृती रॅली

बोरोळ (लातूर ):-पुढील महिन्यात होत असलेल्या विधानसभा निवडणुकांच्या पार्श्वभूमीवर लोकांमध्ये मतदान करण्यासाठी जनजागृती व्हावी म्हणून 19 ऑक्टोबर 2024 रोजी बोरोळ ता. देवणी जि. लातूर येथील जिल्हा परिषद प्रशालेने बोरोळ गावांमध्ये शालेय विद्यार्थ्यांची मतदार राजा जनजागृती रॅली काढून नागरिकांना मतदान करण्याचे आवाहन केले. यावेळी शाळेतील प्राथमिक व माध्यमिकच्या सर्व विद्यार्थी विद्यार्थिनींनी” मतदार राजा जागा हो, लोकशाहीचा धागा हो ,” “मतदानासाठी वेळ काढा’ आपली जबाबदारी पार पाडा,” “तयार करा आपले मन मतदान करा प्रत्येक जण,” “आपले मत आपले भविष्य””,नवे वारे’ नवी दिशा ‘मतदान आहे उद्याची दिशा,” “चला चला मतदान करू, जनहिताची शासनान आणु,”” मतदान हा अधिकारच नाही तर कर्तव्य सुद्धा आहे “अशा घोषणा देत फलक हातात घेऊन गावातून जनजागृती पर फेरी काढण्यात आली. यावेळी जिल्हा परिषद प्रशालेचे मुख्याध्यापक जीआर राठोड सर, श्री नागनाथ अलमले सर, श्री महेश तांदळे सर, श्री सत्यनारायण खिंडीवाली सर, श्री सूर्यवंशी सर, श्री राजेंद्र तेलंगे सर, श्री वाडकर सर, तसेच तमलवाड मॅडम, घाडगे मॅडम, पाटील मॅडम व कांबळे मॅडम, हे देखील या फेरीमध्ये उपस्थित होते.
प्रतिनिधी :- सत्यदेव गरड, लातूर