दौंड येथे राष्ट्रीय स्वयंसेवक संघाचे पथसंचलन मोठ्या उत्साहात

दौंड : -दि. 13 ऑक्टोबर 2024 रोजी दौंड येथे राष्ट्रीय स्वयंसेवक संघाचे पथसंचलन मोठ्या उत्साहात पार पडले. सदरचे पथसंचलन नवीन शासकीय इमारत, पुण्यश्लोक अहिल्यादेवी होळकर चौक, शहीद भगतसिंग चौक, गोपाळवाडी रोड, महेश सोसायटी मार्गे महादेव मंदिराजवळ समारोप झाला. यावेळी पथसंचलनाचे स्वागत नागरिकांनी फुले उधळून केले. प्रसंगी राष्ट्रीय स्वयंसेवक संघाचे तालुक्यातील सर्व स्वयंसेवकांनी या पथसंचलनात सहभाग घेतला होता. यावेळी वाद्यवृंद यासह शिस्तबद्ध पध्दतीने संचलन सुरू होते. या पथसंचलनाच्या कार्यक्रमास प्रमुख पाहुणे म्हणून ब्लॉसम नर्सरीच्या अध्यक्ष शैलजा सरनोत तर वक्ते म्हणून सुनीलराव भालेराव यांनी मार्गदर्शन केले.
कार्यक्रमास दौंड मधील तालुका कार्यवाहक राजेंद्र खेत्रे, सहकार्य भालचंद्र खळदे व इतर मान्यवर उपस्थित होते . कार्यक्रमास भारतीय जनता पार्टीचे शहराध्यक्ष स्वप्निल शहा, भाजपाचे  जिल्हाध्यक्ष वासुदेव शंकरराव काळे व राष्ट्रीय स्वयंसेवक संघाचे सर्व पदाधिकारी यांची उपस्थिती होती.